اجلّت علي عيني اليوم ضبابة .. وبان الخطا في حساب مانحسابة
*******
اجلّت اليوم غمامه .. وبانن خفايا في ردود كلامه
*******
اجلّت اليوم غمامه .. وبانن خفايا في ردود كلامه
فيهن استفهامات للفهّامه .. والفهم نفهم فية مانتغابى
منهن اعقيلي عاش في دوامه .. يختار بين الناس عز اصحابه
*******
عز اعزازه .. يخاير ايّن يختار م الميازه
يلقاه يسند بية وقت العازه .. ويهندب معاه ان كانهم هندابه
بير سر ماتلحق عليه فرازه.. و انياه كي منهل نقي فــ شرابه
********
ماهو عليك مدرق .. وبوزيد هو بوزيد غرّب شرّق
لكن اللي صاهد الكبد محرق .. وحيّر العقل ودار له شخشابه
وظلم ضوي العين وين اتبرق .. عدة اعراض تكيد في الطبابه
كلام كان فسرته وشن بنفرق .. جملة معاني في حروف خطابه
بقلمي
صلاح الرشيد
3 - 11 - 2009
وبان الخطا في حساب مانحسابة
ردحذفسلام عليك صديقي
خبرتي قليلة رغم هذا التمس الجمال
اتمنى لك التوفيق اكثر
سلامي
اختي الكريمه
ردحذفالجمال ليس جمال حروفي وإنما هو جمال روحك انعكس علي هذة الحروف
وبالنسبة لعامل الخبرة فأنا لا اظن انك لا تخبرين الشعر بل تواضعتي
إحترامي لشخصك اختي